Православный календарь


Чин поминовения усопших на Радоницу для мирян

 
 
 
 
 
 
 
Чинопоследование для поминовения усопших мирянами Кузбасской митрополии
 
 
Во имя Отца, и Сына, и Святаго Духа. Аминь.
 
   Христос воскресе из мертвых, смертию смерть поправ, и сущим во гробех живот даровав. (Трижды).
 
Тропари, глас 4-й:
 
   Со духи праведных скончавшихся, душу раба Твоего, Спасе, упокой, сохраняя ю во блаженной жизни, яже у Тебе, Человеколюбче.
В покоищи Твоем, Господи, идеже вси святии Твои упокоеваются, упокой и душу раба Твоего, яко Един еси Человеколюбец.
   Слава Отцу и Сыну и Святому Духу.
Ты еси Бог, сошедый во ад, и узы окованных разрешивый, Сам и душу раба Твоего упокой.
 
   И ныне и присно и во веки веков. Аминь.
Едина Чистая и непорочная Дево, Бога без семени рождшая, моли спастися душе его.
 
Кондак, глас 8-й:
 
   Со святыми упокой, Христе, душу раба Твоего, идеже несть болезнь, ни печаль, ни воздыхание, но жизнь безконечная.
 
   Воскресение Христово видевше, поклонимся святому Господу Иисусу, Единому Безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость все-му миру. Всегда благословяще Господа, поем воскресение Его: распятие бо претерпев, смертию смерть разруши.
 
   Господу помолимся. Господи, помилуй.
   Помяни, Господи Боже наш, в вере и надежди живота вечнаго преставльшихся рабов Твоих, (имена), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная их согрешения и невольная, избави их вечныя муки и огня геенскаго, и даруй им причастие и наслаждение вечных Твоих благих, уготованных любящым Тя: аще бо и согрешиша, но не отступиша от Тебе, и несумненно во Отца и Сына и Святаго Духа, Бога Тя в Троице славимаго, вероваша, и Единицу в Троице и Троицу во Единстве, православно даже до последняго своего издыхания исповедаша.
 
   Темже милостив тем буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.
 
   Слава Отцу и Сыну и Святому Духу, и ныне и присно и во веки веков. Аминь.
 
   Господи, помилуй (трижды), благослови.
 
   Молитвами святых отец наших, Господи Иисусе Христе, Боже наш, помилуй нас. Аминь.
 
   Во блаженном успении вечный покой подаждь, Господи, усопшим рабом Твоим (имена), и сотвори им вечную память.
 
   Вечная память (трижды).
 
   Души их во благих водворится, и память его в род и род.







Яндекс.Метрика
Храм Архистратига Михаила
открыт для посещения ежедневно с 7:30 до 19:00
Если обнаружили ошибку или опечатку, выделите текст и нажмите Ctrl+Enter
Электронная почта: arh-mih@mail.ru
Бухгалтерия: 8 (3843) 71-65-57; регистратура: 8 (3843) 78-35-56; настоятель: 8 (3843) 71-64-83
Адрес: 654041, Россия, Кемеровская область, г. Новокузнецк, ул. Транспортная, 10